Contoh Cangkriman Wancahan

1. Burnas kopen: bubur panas kokopen
2. Buta buri: tebu ditata mlebu lori.
3. Gerbong tulis: pager kobong watune mendhelis.
4. Gowang pelot: jagone ana lawang cempene mencolot.
5. Itik pertis ibu perbeng ijah perlong : tai pitik memper petis, tai kebo memper ambeng, tai gajah memper golong.
6. Kablak ketan: nangka tiba ning suketan.
7. Kicak ketan : kaki macak iket-iketan.
8. Langdikum ditasbir : lulang dikum dientas njebibir.
9. Ling cik tu tu ling ling yu : maling mancik watu, watu nggoling maling mlayu.
10. Manuk biru : pamane punuk bibine kuru.
11. Nituk lersure : nini ngantuk diseler susure.
12. Pak boletus : tapak kebo ana lelene satus.
13. Pak bomba pak lawa pak piut : tapak kebo amba, tapak ula dawa, tapak sapi ciut.
14. Pindhang kileng : sapi ning kandhang kaki mentheleng.
15. Pindhang kutut : sapi mblandhang lukune katut.
16. Pothel kidi : tompo cemanthel kaki wedi.
17. Rangsinyu muksitu : jurang isi banyu, gumuk isi watu.
18. Segara beldhes : segane pera sambele pedhes.
19. Suru bregitu : asu turu dibregi watu.
20. Surles penen : susur teles pepenen.
21. Tuwan sinyo : untu kedawan gusi menyonyo.
22. Tuwok rawan : untune krowok larane ora karuwan.
23. Wit tho yung : yen dijiwit ati biyung.
24. Wiwawite lesbadhonge : uwi dawa wite tales amba godhonge.
25. Wiwawite lesbadhonge jatos empuk  : uwi dawa wite tales amba godhonge jati atos pelem empuk.
26. Wiwawite lesbadhonge karwapake : uwi dawa wite tales amba godhonge cikar dawa tipake.
27. Yu mahe rong, lut mahe ndhut : yuyu omahe ngerong, welut omahe lendhut.