Paraga utamane ing kesenian Reog

yaitu Kelana Sewandana kang digambarake kanthi pasuryan warna abang, paningalan sing gedhe, rawis tipis.

Paraga kang kaping loro yaitu Dadak Merak minangka piranti paling wigati ing kesenian Reog Ponorogo. Perangane ing mustakane uga kasebut caplokan, kang digawe saka kayu banjur ditutup nganggo kulit macan gembong.

Paraga kaping telu yaiku Warok sing taksih enom iku minangka prajurite Prabu Kelana Sewandana. Digambarake nduweni awak kang gagah, rawis lan jambang ketel, sarta peningal kang tajem.

Banjur paraga ke papat ana jathilan iku minangka prajurit sing numpak jaran. Lan ana Bujang Ganong minangka patihe Kelana Sewandana.